Pepón ya la súa vaca

Vaca

Marchaba Pepón pa la villa, un día de mercau, cun la sua vaca, a la que tsamaba Gallarda, pa vendé-la purque ya taba cansáu del anemal ya se fora faciendu vietsa, ya él ya la sua mucher ya tinían abondos anus pa atendela.

Cuandu tsegóu al mercau, alcuntróuse cun'un home que tse preguntóu:

- ¿Paisanu, onde va con esi anemal que nun tien más que güesus? ¿Nun será pa vende-la, eh?

A lu que Pepón, cuntestóu-tse:

- Pues amira, paisanu, aquí onde la vé ía la vaca más trabatsadora que pudiera existir, cuandu nus ve cun el xugu, métese etsa sola debaxu pa punétselu, ya muitu cuntenta tira pa la tierra pa dir a tsabrar. Ya tamién ía muitu buena de bienes, pu la mañena tsena cincu canadas de tseite ya outras tantas pur la nueite. Ya pare un par de buenus xatus toudus lus anus, de lus que sacamus muitus cuartus. Peru cumu la miou Maruxa ya you vamus pa vietsus ya nun pudemos atendela bien, voy a vendéla.

El paisanu, animóuse a cumprá-tsela, facienun buen tratu ya quedóuse cun la Gallarda.

Al cabu de ciertu tiempu, Pepón vulvíu al mercáu a vender unus braquinus, ya alcuntróuse cun el paisanu al que había vendíu la Gallarda, que la tinía atsí cun’él, ya éste na más velu, espetói-tse:

- Home paisanu, ya tínia ganas de velu, ya, ¿cunque la vaca yera muitu buena pa todu, eh? ¡Nun quier trabatsar, cuandu nus vei cu’nel xugu, da unas tarascadas que nun somus a punétselu; de tseite, nada de nada y parir, nun quier que tse se acerque un toru, paez que les tien fobia...!

Uyéndulu dicir estu, contestói-tse Pepón:

- ¡Sigue... sigue falandu asina del anemal que asína vas vendéla pul caraxu...!

Jotaele

Valid XHTML 1.1 ¡CSS Válido!

Diseño: David de Marión