Poesía con adivinanza

De Tiadoro Cuesta - Cuentus de xuntu al fueu

Cosadietsa

¿Qué cousa, cosadietsa ía una cousa,
(ya nun ía cosadietsa revesousa)
Q’ue s’encouxe, s’espurre o s’enduvietsa
Ya estadoñu paez, blima u civietsa?
Manancial de tsacerias ía ya de sustus,
D’empapietsus, moquetus ya desgustus,
Ya chimiagu se fai o esculibiertu,
O merucu pol xelu mediu muertu;
Ya provez u mermandu s’atristatsa
O de rabia s’engrifa y esmocatsa.
Bouca tien ya nun fala, nunca come,
Ya si aporta enfermar sospira l’home,
Pos ía cousa d’antiguo persabida
Qu’alhaxa ía del home mui querida.
¿Tuvía nun diestéis nel quiz? –Pos en conciencia
Acertixu nun ía de muita cencia,
Ya poucu qu’escurraís sabréis la cousa
Pos nun ía cosadietsa revesousa.
Dígu-bus además que tien llocura
Pur metese nos cloxos ya que fura,
Si la dexen furar las fias d’Eva.
Un chirlotu dexándulas na cueva.
Cuandu mozu barrunta ponse ufana
Ya espabila, dexando la galvana,
Peigando, ¡picarona! Saltiquinus,
Sentir faciendu al’home regulvinus.
Siempre vive acerrada entre costuras,
Ya más dañible ía que las gafuras;
Chumbrizuca paez si tá n’el riu,
Amúrniase dafeitu cun’el fríu:
Dous hermaninus tien, sofridos, mudus
Etsa sin un pelín, ya etsus peludus,
Que se chamen...
¡ABASTA!... -dixu un mozu,
La boina tirando d’albarozu-,
Pu las señas que Pachu nus da y cunta,
El diablu me las quiebre …. ía la p...

Jotaele

Valid XHTML 1.1 ¡CSS Válido!

Diseño: David de Marión